لاہور۔2دسمبر (اے پی پی):وزیراعلی پنجاب محسن نقوی نے متحدہ عرب امارات کے قومی دن پر متحدہ عرب امارات کے صدرشیخ محمد بن زید النہیان،سفیر حماد عبید ابراہیم سلیم الزابی اور عوام کو مبارکباددی ہے اورکہا کہ قومی دن پر متحدہ عرب امارات کی ترقی اور خوشحالی کے لئے نیک خواہشات کا اظہار کرتا ہوں۔ یو اے ای کے قومی دن پراپنے بھائیوں کی خوشیوں میں برابر کے شریک ہیں۔ متحدہ عرب امارات پاکستانیوں کا دوسرا گھر ہے۔ دونوں ممالک کے عوام کے دل ایک ساتھ دھڑکتے ہیں۔
انہوں نے کہا کہ حالیہ دورے سے پاکستان اورمتحدہ عرب امارات کے تعلقات مزید مضبوط اور اربوں ڈالر کے معاہدے ہوئے ہیں۔ متحدہ عرب امارات نے آزمائش کی ہر گھڑی میں پاکستان کا پورا ساتھ دیا ہے۔متحدہ عرب امارات کی پاکستان کے حوالے سے اقتصادی اورسفارتی حمایت کو قدر کی نگاہ سے دیکھتے ہیں۔متحدہ عرب امارات مسلم دنیا کا اہم ترین ملک ہے، یو اے ای کی ترقی دنیا کے لئے ایک مثال ہے۔ انہوں نے کہاکہ متحدہ عرب امارات کی مزید ترقی اور استحکام کے لیے دعا گو ہوں۔
Short Link: https://urdu.app.com.pk/urdu/?p=415905
