لاہور۔31مارچ (اے پی پی):وزیراعلی پنجاب مریم نواز شریف نے مسیحی برادری کو ایسٹرکی مبارکباد دیتے ہوئے کہا کہ ایسٹر کا تہوار خوشیاں تقسیم کرنے کا دن ہے، ایسٹر ہمیں ہمدردی، معافی اور سب کے لیے محبت کی اقدار سکھاتا ہے، مسیحی برادری امن پسند اور قابلِ احترام ہے۔
وزیراعلی نے کہاکہ قیام پاکستان سے تعمیر پاکستان کی منازل طے کرتے ہوئے مسیحی برادری کا کردار قابل ستائش ہے، پاکستان بلا رنگ و نسل، مذہب، ذات اور عقیدے کے ہم سب کا وطن ہے، ایسٹر کا تہوار معاشرے میں ہم آہنگی اور انسانیت کے جذبے کو فروغ دے گا۔انہوں نے کہاکہ دعا ہے کہ ایسٹر خوشی، امن اور خوشحالی لائے۔
