اسلام آباد۔15مئی (اے پی پی):وفاقی وزیرداخلہ محسن نقوی نےہنگو میں طورہ وڑی چیک پوسٹ پر خوارجی دہشت گردوں کا حملہ ناکام بنانے پر ایف سی کے جوانوں کو خراج تحسین پیش کیا ہے۔اپنے بیان میں وزیر داخلہ نے ایف سی کے جوانوں کی بہادری اور پیشہ وارانہ صلاحیتوں کو سراہا۔
انہوں نے کہا کہ ایف سی کے بہادر سپوتوں نے بروقت کارروائی کرکے خوارجیوں کا حملہ پسپا کیا۔خوارجی دہشت گردوں کے ناپاک عزائم ناکام بنانے والے ایف سی جوان قوم کے ہیرو ہیں۔ محسن نقوی نے کہا کہ فرنٹیئر کانسٹیبلری کے جوانوں کی جرات پر فخر ہے، ایف سی کے جوان شاباش کے مستحق ہیں ، پوری ٹیم کو مبارکباد دیتا ہوں۔
