لاہور ۔30جولائی (اے پی پی):وزیرِ اعظم محمد شہباز شریف( آج) لاہور میں مختلف ترقیاتی منصوبوں کا افتتاح و سنگ بنیاد رکھنے کی تقریب میں شرکت کریں گے۔
وزیراعظم آفس کے میڈیا ونگ سے جاری بیان کے مطابق وزیرِ اعظم (آج) لاہور میں میڈیکل سٹی، نیشنل ہیلتھ سپورٹ پروگرام، پاپولیشن ویلفیئر پروگرام کا افتتاح و اجرا کریں گے۔
اس کے علاوہ وزیرِ اعظم SL-3 لاہور رنگ روڈ منصوبے، شاہدرہ تا کالاشاہ کاکو میٹروبس توسیعی پروگرام، اور 1200 میگاواٹ پنجاب تھرمل پاور پلانٹ (جھنگ) کا افتتاح بھی کریں گے۔ وزیرِ اعظم تقریب سے خطاب بھی کریں گے
