وزیرِ اعظم شہباز شریف کامسلم لیگ(ن )آزاد کشمیر کے نائب صدر سابق سینئر وزیر چوہدری محمد عزیز کے انتقال پراظہار تعزیت

اسلام آباد۔28اگست (اے پی پی):وزیرِ اعظم محمد شہباز شریف نے مسلم لیگ(ن )آزاد جموں و کشمیر کے نائب صدر و سینئر رہنما اور سابق سینئر وزیر چوہدری محمد عزیز کے انتقال پر گہرے دکھ اور رنج کا اظہار کرتے ہوئے کہا ہےکہ چوہدری محمد عزیز آزاد کشمیر کی سیاست میں سرگرم سیاسی شخصیت تھے۔

بدھ کو وزیر اعظم آفس کے میڈیا ونگ سے جاری بیان کے مطابق وزیرِ اعظم نے مرحوم کی مغفرت اور اہلِ خانہ کیلئے صبر جمیل کی دعا کرتے ہوئے کہا کہ چوہدری محمد عزیز کی وفات سے آزاد جموں و کشمیر کی سیاست ایک درخشاں ستارے سے محروم ہو گئی۔

Short Link: https://urdu.app.com.pk/urdu/?p=498134