اسلام آباد۔23دسمبر (اے پی پی):وزیرِ اعظم عمران خان جمعرات کو لاہور کا ایک روزہ دورہ کریں گے۔وزیراعظم آفس میڈیا ونگ کے مطابق وزیرِ اعظم لاہور میں سپیشل ٹیکنالوجی زون لاہور ٹیکناپولس کا افتتاح کریں گے۔
ٹیکنالوجی زون کی تعمیر لاہور نالج پارک کمپنی کے تحت ہوئی ہے جہاں بڑے پیمانے پر ٹیکنالوجی کے شعبے میں برآمدی استعداد بڑھانے کیلئے سرمایہ کاری کی جارہی ہے۔ اس موقع پر ٹیکنالوجی زون میں کام کرنے کیلئے 12 کمپنیوں کو لائسنس جاری کئے جائیں گے۔
مزیر برآں ملک کے دیگر حصوں میں تین ٹیکنالوجی زونز کی تعمیر کیلئے 300 ملین ڈالر کی سرمایہ کاری کی مفاہمتی یاداشت پر دستخط بھی کئے جائیں گے۔وزیرِ اعظم اس موقع پر خطاب بھی کریں گے۔ وزیرِ اعظم لاہور میں اہم اجلاسوں کی صدارت کریں گے۔
بعد ازاں وزیرِ اعظم گورنمنٹ کالج یونیورسٹی نیو کیمپس اور ابوالحسن الشاذلی ریسرچ سینٹر آن صوفی ازم، سائنس اینڈ ٹیکنالوجی کا افتتاح کریں گے
 لاہور کا ایک روزہ دورہ کریں گے){kind=link}