اسلام آباد۔6اپریل (اے پی پی):وزیرِ اعظم عمران خان نے آئی جی خیبر پختونخوا کو ہدایت کی ہےکہ اے ٹی سی جج آفتاب آفریدی کے قتل کے واقعہ کی مکمل تحقیقات اور ملوث مجرموں کو قرار واقعی سزا یقینی بنائی جائے۔وزیر اعظم میڈیا آفس سے جاری بیان کے مطابق وزیراعظم سے آئی جی خیبر پختونخوا ڈاکٹر ثناء اللہ عباسی نے ملاقات کی
۔ملاقات میں وزیرِ اعظم کو اے ٹی سی جج آفتاب آفریدی پر حملے میں ملوث دو اہم ملزمان کی گرفتاری کے حوالے سے آگاہ کیا گیا۔وزیرِ اعظم نے واقعہ کی مکمل تحقیقات اور ملوث مجرمان کو قرار واقعی سزا دلوانے کو یقینی بنانے کی ہدایت کی۔
