اسلام آباد۔14جولائی (اے پی پی):وزیرِ اعظم عمران خان سے وزیر برائے انسانی حقوق ڈاکٹر شیرین مزاری اور چئیر پرسن ڈیفنس آف ہیومن رائٹس آمنہ مسعود جنجوعہ نے بدھ کو یہاں ملاقات کی۔ وزیراعظم آفس کے میڈیا ونگ سے جاری بیان کے مطابق ملاقات میں لاپتہ افراد کے حوالے سے تفصیلی تبادلہ خیال کیا گیا۔
ملاقات میں بتایا گیا کہ پارلیمانی کمیٹی میں اس حوالے سے موجود بل کو بھی جلد ہی منظوری کیلئے پیش کر دیا جائے گا۔ وزیرِ اعظم نےڈاکٹر شیریں مزاری کی سربراہی میں وزارت کے انسانی حقوق کے تحفظ کیلئے اٹھائے گئے اقدامات کو سراہا۔
