وزیر اطلاعات پنجاب کی گلوکارہ نصیبو لال کے گھر آمد،خیریت دریافت کی

لاہور۔20مارچ (اے پی پی):وزیر اطلاعات پنجاب عظمی بخاری گلوکارہ نصیبو لال کی خیریت دریافت کرنے ان کے گھر گئیں جہاں انہوں نے وزیراعلی مریم نواز کی طرف سے انہیں گلدستہ پیش کیا اور ان کی جانب سے خیر سگالی کا پیغام پہنچایا۔اس موقع پرچیئر مین استحقاق کمیٹی سمیع اللہ خان بھی وزیراطلاعات پنجاب کے ہمراہ تھے۔

عظمی بخاری نے نصیبو لال کو وزیراعلی پنجاب کی طرف سے ہر طرح کے تعاون کی یقین دہانی کروائی جس پر گلوکارہ نے وزیراعلی مریم نواز اور عظمی بخاری کا شکریہ ادا کی۔نصیبو لال نے مریم نواز کے فنکاروں کے لیے فلاحی کاموں پر انہیں خراج تحسین پیش کیا اور کہا کہ میاں محمد نوازشریف نے ہمیشہ فنکاروں کی حوصلہ افزائی کی اور مریم نواز بھی اپنے والد کے نقشے قدم پر چل رہی ہیں ،اللہ تعالی ان کی مدد فرمائے۔

Short Link: https://urdu.app.com.pk/urdu/?p=574690