اسلام آباد۔4مارچ (اے پی پی):وزیر اعظم محمد شہباز شریف وفاقی حکومت کا پہلا سال مکمل ہونے پر آج(منگل کو) منعقدہ خصوصی اجلاس میں اپنی حکومت کی ایک سالہ کارکردگی پیش کریں گے ، خصوصی اجلاس میں کاروباری حضرات، چیمبرز کے نمائندگان، خواتین، طالب علم اور دیگر شعبوں سے شہری شرکت کریں گے ۔
منگل کو وزیر اعظم آفس کے میڈیا ونگ کی جانب سے جاری بیان کے مطابق وزیرِ اعظم محمد شہباز شریف کی زیرِ قیادت وفاقی حکومت کا پہلا سال مکمل ہونے پر وفاقی کابینہ کی کارکردگی کے جائزے کےلئےوزیر اعظم کی زیر صدارت خصوصی اجلاس آج منعقد ہوگا ۔اجلاس میں متعلقہ وزرا ، خزانہ، توانائی، انفارمیشن ٹیکنالوجی اور دیگر شعبوں کی ایک سالہ کارکردگی پر رپورٹ پیش کریں گے۔
خصوصی اجلاس میں وفاقی کابینہ کی کارکردگی کا جائزہ لیا جائے گا۔ خصوصی اجلاس میں زندگی کے مختلف شعبوں بشمول کاروباری حضرات، چیمبرز کے نمائندگان، خواتین، طالب علموں اور دیگر شعبوں سے شہریوں کو مدعو کیا گیا ہے، تاکہ وہ اجلاس کا خود مشاہدہ کریں اور پچھلے ایک سال میں حکومتی اقدامات اور مستقبل کے لائحہ عمل سے آگاہ ہوں۔ اس موقع پر وزیرِ اعظم خطاب بھی کریں گے۔
Short Link: https://urdu.app.com.pk/urdu/?p=568418
 خصوصی اجلاس میں حکومت کی ایک سالہ کارکردگی پیش کریں گے){kind=link}