اسلام آباد۔19مئی (اے پی پی):وزیر اعظم محمد شہباز شریف نے بلوچستان کے اضلاع کیچ اور آواران میں بھارتی سپانسرڈ دہشت گرد تنظیم بلوچستان لبریشن فرنٹ کے 3 دہشت گردوں کو ہلاک اور 2 کو زخمی کر کے گرفتار کرنے پر سکیورٹی فورسز کو خراج تحسین پیش کیاہے۔
پیر کووزیر اعظم آفس کے میڈیا ونگ سے جاری بیان کے مطابق وزیراعظم نے سکیورٹی فورسز کی پیشہ وارانہ مہارت اور بھارتی ایجنڈے کے خلاف بروقت کارروائی کو سراہتے ہوئے کہا ہے کہ بلوچستان میں معصوم اور نہتے شہریوں کی جان و مال کو دہشت گردی کے ذریعے خطرے میں ڈالنے کی بھارتی سازش بے نقاب ہو چکی ہے۔
وزیراعظم نے کہا کہ ہم بھارت کے پاکستان میں امن و امان کو نقصان پہنچانے کے مذموم عزائم کو خاک میں ملا دیں گے، حکومت اور سکیورٹی فورسز ملک سے دہشت گردی کے مکمل خاتمے کے لئے پر عزم ہیں۔
Short Link: https://urdu.app.com.pk/urdu/?p=598969
