مولانا خان زیب صالح انسان اور امن کے داعی تھے ،وزیر اعظم شہباز شریف کی اہل خانہ سے تعزیت

اسلام آباد۔11جولائی (اے پی پی):وزیر اعظم محمد شہباز شریف نے باجوڑ میں ہونے والے بزدلانہ حملے میں مولانا خان زیب کے قتل پر افسوس کا اظہار کیا ہے ۔ جمعہ کو وزیر اعظم محمد شہباز شریف نے ایکس پر اپنے تعزیتی پیغام میں کہا کہ مولانا خان زیب ایک صالح انسان اور امن کے داعی تھے۔ وزیر اعظم نے ان کے اہل خانہ ، ساتھیوں اور باجوڑ کے عوام سے دلی تعزیت اور افسوس کا اظہار کرتے ہوئے مرحوم کے درجات کی بلندی کے لئے دعا کی۔