کوئٹہ۔ 16 مارچ (اے پی پی):وزیر اعلیٰ بلوچستان میر سرفراز بگٹی نے آل پاکستان نیوز پیپرز سوسائٹی (اے پی این ایس) کے سالانہ اجلاس میں منتخب ہونے والے نئے عہدیداروں کو دلی مبارکباد پیش کی ہے۔ اپنے ایک تہنیتی بیان میں وزیر اعلیٰ بلوچستان میر سرفراز بگٹی نے سرمد علی کو صدر، ناز آفرین سہگل لاکھانی کو سینئر نائب صدر، شہاب زبیری کو نائب صدر، محمد اطہر قاضی کو سیکرٹری جنرل، محسن بلال کو جوائنٹ سیکرٹری اور نوید کاشف کو فنانس سیکرٹری منتخب ہونے پر مبارکباد دیتے ہوئے امید ظاہر کی کہ وہ صحافتی برادری کی فلاح و بہبود اور آزادی صحافت کے فروغ کے لیے اپنی بہترین صلاحیتوں کو بروئے کار لائیں گے۔
وزیر اعلیٰ بلوچستان نے کہا کہ آزاد اور ذمہ دار صحافت جمہوریت کی بنیاد ہے، اور اے پی این ایس جیسے ادارے اس حوالے سے اہم کردار ادا کر رہے ہیں۔
انہوں نے اس عزم کا اظہار کیا کہ حکومت بلوچستان آزادی صحافت، صحافیوں کے حقوق اور میڈیا انڈسٹری کی ترقی کے لیے ہر ممکن تعاون فراہم کرتی رہے گی ۔
Short Link: https://urdu.app.com.pk/urdu/?p=573306
