کوئٹہ۔ 21 اپریل (اے پی پی):وزیر اعلیٰ بلوچستان میر سرفراز بگٹی نے رومن کیتھولک چرچ کے سربراہ و روحانی پیشوا پاپ فرانسس کے انتقال پر افسوس کا اظہار کرتے ہوئے پاپ فرانسس کی عالمی امن ، بین المذاہب ہم آہنگی اور انسانی حقوق کے تحفظ کے لئے انکی گران قدر خدمت کو خراج عقیدت پیش کیا ہے
اپنے ایک تعزیتی پیغام میں وزیر اعلیٰ نے کہا کہ تمام الہامی مذاہب امن اور رواداری کا مظاہرہ کرنے کا درس دیتے ہیں اور عالمی امن کے لئے بین المذاہب ہم آہنگی ناگزیر ہے۔ وزیر اعلیٰ نے پاپ فرانسس کے انتقال پر دنیا بھر کے مسیحوں سے دلی ہمدردی کا اظہار کیا ہے۔
