پشاور۔ 12 اگست (اے پی پی):وزیر اعلیٰ خیبر پختونخوا علی امین خان گنڈاپور نے محکمہ داخلہ کا دورہ کیا اور پراونشل انٹیلی جنس فیوژن اینڈ تھریٹ اسسمنٹ سینٹر ( پفٹیک ) کا افتتاح کر دیا ۔ وزیر اعلیٰ ہاوس پشاور تر جمان کے مطابق اس موقع پر وزیر اعلی خیبرپختونخوا کو متعلقہ حکام کی جانب سے خصوصی بر یفنگ دی گئی ، جس میں بتایا گیا کہ پراونشل انٹیلی جنس فیوژن اینڈ تھریٹ اسسمنٹ سنٹر 210 ملین روپے کی لاگت سے 2 ماہ کے قلیل عرصے میں قائم کیا گیا ہے، خیبر پختونخوا پیفٹیک قائم کرنے والا ملک کا پہلا صوبہ ہے۔
پیفٹیک وفاقی سطح پر قائم نیفٹیک کے ساتھ منسلک ہے،یہ ملک میں دہشتگردی کی سرگرمیوں کے تدارک کے لئے ایک موثر سسٹم ہے۔بریفنگ کے دوران بتایا گیا کہ یہ ملک بھر سے انٹیلی جنس شئیرنگ اینڈ اسسمنٹ کا ڈیجیٹل اور اینٹگریٹڈ نظام ہے، اس سسٹم کے تحت وفاقی حکومت اور تمام صوبائی حکومتوں کو مربوط کیا جائے گا۔ پفٹیک کے ذریعے دیگر صوبوں اور وفاق سے تھریٹ سے متعلق انٹیلیجنس اور ڈیٹا شیئرنگ کا یکساں نظام قائم کیا جائے گا،پفٹیک میں ایف آئی اے، نادرا، پی ٹی اے، اینٹلی جنس اداروں سمیت 14 مختلف متعلقہ اداروں کو ایک یکساں سسٹم کے تحت یکجا کیا گیا ہے۔
صوبے کے 36 اضلاع کی ڈسٹرکٹ کوارڈینیشن کمیٹیز پفٹیک کے ساتھ براہ راست منسلک ہوں گی۔ پیفٹیک کے ذریعے ملک بھر میں رئیل ٹائم اینٹیلی جنس شئیرنگ ممکن ہوگی، اس سسٹم کی مدد سے دہشتگری کی سرگرمیوں کے خلاف یکساں، موثر، بروقت اور منظم کارروائیاں کی جائیں گی۔ اس جدید نظام سے انٹیلی جنس اداروں کے استعداد کار کو بڑھانے میں مدد ملے گی۔اس موقع پر خطاب کرتے ہوئے
وزیراعلی خیبرپختونخوا علی امین گنڈاپور نے کہا کہ صوبائی سطح پر پیفٹیک کا قیام دہشتگردی کے موثر تدارک کے لئے ایک اہم اقدام ہے،دہشتگردی کے خلاف جنگ ایک قومی ایجنڈا ہے اس میں حکومت، عوام اور اداروں کو ایک پیچ پر ہونا ہے۔انہوں نے کہا کہ دہشتگردی سے موثر انداز میں نمٹنے کے لیے ایک ہمہ جہت سسٹم کا ہونا نا گزیر ہے،دہشتگرد سرگرمیوں سے متعلق بروقت انٹیلی جنس اور ان کے تدارک کے لیے پفٹیک اہم کردار ادا کرے گا۔
 کا افتتاح کر دیا){kind=link}