لاہور۔27نومبر (اے پی پی):نگران وزیر اعلی پنجاب محسن نقوی نے بابا گرو نانک دیو جی کے جنم دن کے حوالے سے سکھ برادری کو مبارکباد دیتے ہوئے کہا ہے کہ بابا گرونانک دیو جی محبت، امن اور بھائی چارے کے داعی تھے۔ بابا گرونانک نے انسانیت سے پیار،مساوات اور ہمدردی کے پیغام کو عام کیا۔بابا گرونانک دیوجی مذہبی رواداری اور بین المذاہب ہم آہنگی کی بہترین مثال تھے
وزیر اعلی محسن نقوی نے کہا کہ ہم بابا گرونانک کے جنم دن کی تقریبات میں شرکت کیلئے دنیا بھر سے 3 ہزار سے زائد سکھ یاتریوں کو پنجاب میں جی آیاں نوں کہتے ہیں اور ہماری حکومت نے سکھ یاتریوں کی سہولت کیلئے بہترین انتظامات کئے گئے ہیں۔ سکھ برادری کے گوردواروں کی دیکھ بھال، تزئین و آرائش اور سکیورٹی پر خصوصی توجہ دی گئی ہے۔ سکھ برادری کو مذہبی رسومات کی ادائیگی کیلئے ہرطرح کی سہولتیں فراہم کی گئی ہیں۔وزیر اعلی محسن نقوی نے کہا کہ خصوصی سیاحتی پیکیج کے ذریعے سکھ یاتریوں کو رہائش، سفر اور سیکورٹی کے فراہم کی جا رہی ہے۔
Short Link: https://urdu.app.com.pk/urdu/?p=414680
