وزیر اعلی مریم نواز کا جھنگ کے فلڈ ریلیف کیمپ کے قریب فیلڈ ہسپتال کا دورہ ، متاثرین سے علاج معالجہ کی فراہمی کے حوالے سے دریافت کیا

لاہور۔1ستمبر (اے پی پی):وزیر اعلی پنجاب مریم نوازنے جھنگ کے فلڈ ریلیف کیمپ کے قریب فیلڈ ہسپتال کا دورہ کیا۔ وزیر اعلی نے فیلڈ ہسپتال میں ادویات، سیلاب متاثرین کو علاج معالجہ کی فراہمی کے حوالے سے دریافت کیااورریلیف کیمپ میں ضلعی انتظامیہ کی جانب سے اقدامات کا جائزہ لیا ۔ انہوں نے جھنگ شہر سے ملحقہ حفاظتی بند کا بھی تفصیلی دورہ کیا۔ وزیر اعلی کی آمد پر عوام کا جم غفیر امڈ آیا۔ انہوں نے ننھی بچی سے شفقت کا اظہار کیا۔ اس موقع پر ایک معمر خاتون نے وزیر اعلی کا ہاتھ تھام کر انہیں دعائیں دیں۔