لاہور۔24اپریل (اے پی پی):وزیر تعلیم رانا سکندر حیات کی زیر صدارت لیپ ٹاپس سکیم کے اجرا کی حتمی تیاریوں کے حوالے سے اجلاس منعقد ہوا جس میں لیپ ٹاپس کی تقسیم کی تیاریوں کا جائزہ اور تقسیم کار کا لائحہ عمل طے کیا گیا۔ وزیر تعلیم نے ہدایت کی کہ لیپ ٹاپس تقسیم کے حوالے سے تقاریب تمام ڈویژنز میں منعقد کی جائیں۔
پہلے مرحلے میں 40 ہزار لیپ ٹاپس تقسیم کئے جائیں گے۔ وزیر تعلیم نے کہا کہ لیپ ٹاپس تقسیم کی پہلی تقریب رواں ماہ کے آخر میں لاہور میں ہوگی جس میں وزیر اعلی پنجاب خود لیپ ٹاپس تقسیم کریں گی۔ اجلاس میں اپنے آئی ڈی کی جگہ والدین کے آئی ڈی پر اپلائی کرنے والے طلبہ کو مشروط اہل قرار دینے کا فیصلہ کرتے ہوئے کہا گیا کہ ایسے طلبہ سے ایفی ڈیوڈ لے کر مشروط اہل قرار دیا اور طلبہ سے رابطہ کر کے ان کا ڈِیٹا درست کروانے حوالے سے حکمت عملی بھی مرتب کی جائے۔ وزیر تعلیم نے کہا کہ لیپ ٹاپ ہر حقدار کو ملے گا، تاہم اہل طلبہ کو کوائف مکمل کرنا ہوں گے۔
رانا سکندر حیات نے مزید کہا کہ لیپ ٹاپ دینے سے قبل تمام طلبہ کی بائیومیٹرک ویری فیکیشکن لازمی ہوگی، اس ضمن میں طلبہ کسی بھی ای سہولت سنٹر سے بائیومیٹرنک تصدیق کروائیں اور سلپ ہمراہ رکھیں۔ انہوں نے کہا کہ نادرا سے تصدیقی سلپ رکھنے والا طالبعلم ہی لیپ ٹاپ لے سکے گا۔
Short Link: https://urdu.app.com.pk/urdu/?p=587362
