اسلام آباد ۔ 11 اپریل (اے پی پی) وزیر خارجہ شاہ محمود قریشی نے جمعرات کو وزارت خارجہ کے قونصلر آفس کا اچانک دورہ کیا اور قونصلر آفس میں کاغذات کی تصدیق کے لئے آئے ہوئے سائلین میں گھل مل گئے۔وزیر خارجہ نے وہاں موجود سائلین سے ان کے مسائل دریافت کئے اور موقع پر احکامات صادر کئے۔وزیر خارجہ نے قونصلر آفس کے مختلف شعبوں کا معائنہ کیا اور افسران سیکام کے حوالے سے سوالات کئے۔وزیر خارجہ نے اس موقع پر گفتگو کرتے ہوئے کہا کہ اچانک دورہ کا مقصد سائلین کے مسائل سے آگاہی حاصل کرنا تھا۔انہوں نے کہا کہ مجھے خوشی ہے کہ کسی شخص نے افسران کے رویے اور کرپشن کی شکایت نہیں کی۔ہم عوام کی سہولت کے لیے جلد مزید اقدامات کریں گے۔
