اسلام آباد۔19اکتوبر (اے پی پی):وزیر خارجہ شاہ محمود قریشی نے کووڈ۔19سے متاثرہ بیلجیئم کے نائب وزیراعظم اور وزیر برائے امور خارجہ صوفیہ ولیمز اور آسٹریا کے اپنے ہم منصب الیگزینڈر شیچلن برگ کی جلد صحت یابی کی خواہش ظاہرکی ہے۔ پیر کو صوفیہ ولیمز اور الیگزینڈر شیچلن برگ کے نام الگ الگ ٹویٹس میں وزیر خارجہ نے ان کی کووڈ۔19 سے جلد صحت یابی کیلئے دعا اور نیک تمنائوں کا اظہار کیا ہے۔ وزیر خارجہ نے کہا کہ میں جلد ہی آپ سے رابطہ کرنے کا منتظر ہوں۔
