اسلام آباد ۔ 13 جون (اے پی پی) وزیر خارجہ مخدوم شاہ محمود قریشی سے پاکستان میں تعینات امریکی ناظم الامور پال جونز نے جمعرات کو وزارتِ خارجہ میں ملاقات کی۔ دفتر خارجہ کے مطابق بات چیت کے دوران دوطرفہ باہمی دلچسپی کے امور اور خطہ کی سیکیورٹی صورتحال پر تبادلہ خیال کیا گیا۔ ملاقات میں خصوصی طور پر افغانستان کے امور پر بات چیت کی گئی۔ وزیر خارجہ شاہ محمود قریشی نے کہا کہ پورے خطہ میں تعمیر و ترقی کا عمل افغانستان میں قیام امن سے مشروط ہے۔ انہوں نے کہا کہ افغانستان میں قیام امن کیلئے پاکستان اپنا مصالحانہ کردار ادا کرتا رہے گا۔
