اسلام آباد۔8مئی (اے پی پی):اقتصادی رابطہ کمیٹی نے وزارت خارجہ کیلئے 8ارب، عالمی بینک کےتعاون سےانفراسٹرکچرکےمنصوبے کیلئے 7 ارب 84 کروڑگرانٹ کی منظوری دی گئی ۔ وفاقی وزیر خزانہ اور محصولات سینیٹر محمد اسحاق ڈار کی زیر صدارت کابینہ کی اقتصادی رابطہ کمیٹی (ای سی سی) کا اجلاس پیر کو منعقد ہوا۔ وفاقی وزیر برائے بجلی خرم دستگیر خان، وفاقی وزیر تجارت سید نوید قمر، وفاقی وزیر برائے موسمیاتی تبدیلی سینیٹر شیری رحمان، سابق وزیراعظم شاہد خاقان عباسی ،وزیر مملکت برائے خزانہ و محصولات ڈاکٹر عائشہ غوث پاشا، طارق باجوہ، ، طارق محمود پاشا، وفاقی سیکرٹریز اور دیگر سینئر افسران نے اجلاس میں شرکت کی۔
ای سی سی نے نیشنل پرائس فکسیشن کمیٹی برائے لائف سیونگ میڈیکل ڈیوائسز کی سفارش کردہ چار (04) نئے کارڈیک سٹینٹس کی زیادہ سے زیادہ ریٹیل قیمتوں کے تعین کے حوالے سے وزارت قومی صحت کی خدمات، ضوابط اور کوآرڈینیشن کی سمری پر غور کیا اور اس کی منظوری دی۔اقتصادی رابطہ کمیٹی نے مختلف وزارتوں کو سپلیمنٹری گرانٹ جاری کرنے کی منظور ی دیدیی، ای سی سی اجلاس کے اعلامیہ کے مطابق وزارت خارجہ کیلئے 8 ارب 40 کروڑروپے اوروزارت ہاؤسنگ کیلئے 5 ارب روپے کی تکنیکی سپلیمنٹری گرانٹ منظورکی گئی ہے۔
اجلاس میں عالمی بینک کےتعاون سےانفرااسٹرکچرکےمنصوبے کیلئے 7 ارب 84 کروڑگرانٹ کی منظوری دی گئی ہے، یہ رقم سابق فاٹا کے علاقوں میں ترقیاتی اسکیموں پر خرچ کی جائے گی۔اعلامیہ کے مطابق پاکستان مارٹگیج ری فنانس کمپنی کے لیے 5 کروڑ ڈالر کی تکنیکی گرانٹ منظور کی گئی ہے۔اس کے علاوہ دل کے آپریشن کیلئے 4 نئے اسٹنٹ کی قیمت کے تعین کی منظوری دی گئی ہے۔وزارت خزانہ کے اعلامیہ کے مطابق تیل و گیس کی تلاش کیلئے سوگری فیلڈ کو مزید 15.8 کلومیٹرایریادینےکافیصلہ کیا گیا ہے،تیل و گیس کی تلاش کیلئے کھپرومیں لائسنس کی تجدید کا بھی فیصلہ کیا گیا ہے۔
تفصیلات ای سی سی نے وزارت توانائی (پیٹرولیم ڈویژن) کی دو سمریوں کے بعد مزید منظوری دی، سوگر ی ایکسپلوریشن لائسنس میں 15.88 مربع کلومیٹر کے اضافی رقبے کی منظوری اس بنیاد پر کہ ایک ارضیاتی ڈھانچہ جو سوگری ای ایل کے شمالی حصے میں آزاد علاقے میں پھیلا ہوا ہے۔22-02-2023 سے کھپرو ایکسپلوریشن لائسنس میں Qabul-2 St-1 کی دریافت پر کنویں کی 6 ماہ کی توسیعی جانچ کی گرانٹ منظوری دیدی ۔ ای سی سی نے درج ذیل تکنیکی ضمنی گرانٹس پر بھی غور کیا اور منظوری دی۔ پاکستان مارگیج ری فنانس کمپنی لمیٹڈ کے حق میں 50 ملین امریکی ڈالر کے برابر جو عالمی بینک سے 85 ملین امریکی ڈالر کی کریڈٹ لائن کی پہلی قسط کے طور پر حاصل کیے جائیں گے۔
عالمی بینک کی مالی اعانت سے چلنے والے مالیاتی شمولیت اور انفراسٹرکچر پروجیکٹ کے لیے 33.1 ملین امریکی ڈالر کی رقم کے مقابلے میں 7,840 ملین روپے ، رواں مالی سال 2022-2023ء کے سالانہ بجٹ میں اس کی کمی کو پورا کرنے کے لیے وزارت خارجہ کے حق میں 8.4 بلین روپے۔ سابق فاٹا کی ترقیاتی سکیموں پر عملدرآمد کے لیے رواں مالی سال 2022-2023ء کے لیے وزارت ہاؤسنگ اینڈ ورکس کے حق میں 5000 ملین روپے۔ ای سی سی نے نیا پاکستان ہاؤسنگ اینڈ ڈویلپمنٹ اتھارٹی کی جانب سے اس کے قیام کے بعد سے اس کے مینڈیٹ اور کارکردگی پر دی گئی پریزنٹیشن کو نوٹ کیا اور اس کے ماڈل کا جائزہ لینے اور اس کی مستقبل کی ضروریات کے بارے میں سمری پیش کرنے کی ہدایت کی۔
