اسلام آباد۔25اگست (اے پی پی):وفاقی وزیرداخلہ محسن نقوی نے کہا ہے کہ کے پی کے پولیس اور سی ٹی ڈی نے فتنۃ الہندوستان کے دہشتگردوں کے مذموم عزائم کو خاک میں ملایا ، فتنۃالہندوستان کے دہشتگردوں کے مکمل خاتمے کیلئے ہماری بہادر فورسز پر عزم ہیں، قوم کو اپنے جری سپوتوں پر ناز ہے۔
پیر کو اپنے بیان میں وزیر داخلہ محسن نقوی نے اپر دیر میں فتنۃ الہندوستان کے دہشتگردوں کے خلاف کامیاب آپریشن پر خیبرپختونخوا پولیس اور سی ٹی ڈی کو خراج تحسین پیش کیا ۔ انہوں نے 5 دہشتگردوں کو جہنم واصل کرنے پر پولیس اور سی ٹی ڈی کی پیشہ وارانہ صلاحیتوں کو سراہا۔
انہوں نے کہا کہ فتنۃالہندوستان کے دہشتگردوں کے خلاف کامیاب آپریشن فورسز کی پیشہ وارانہ صلاحیتوں کا بین ثبوت ہے ۔دہشتگردی کے خاتمے کیلئے پوری قوم فورسز کے ساتھ کھڑی ہے۔وزیرداخلہ محسن نقوی نے زخمی ہونے والے پولیس اہلکاروں کی جلد صحت یابی کی دعا۔
