- Advertisement -
اسلام آباد۔20جنوری (اے پی پی):اسلامی جمہوریہ ایران کی مسلح افواج کے چیف آف جنرل سٹاف جنرل محمد باقری نے وزیر دفاع، دفاعی پیداوار اور ہوا بازی خواجہ محمد آصف سے اسلام آباد میں ان کے دفتر میں ملاقات کی۔ وفاقی وزیر نے کہا کہ دونوں دوست ممالک صدیوں پرانی مذہبی اور ثقافتی وابستگیوں سے پروان چڑھے ہوئے خوشگوار اور برادرانہ تعلقات سے لطف اندوز ہوتے ہیں۔
انہوں نے اس بات پر اطمینان کا اظہار کیا کہ دو طرفہ تعلقات تمام شعبوں میں مثبت انداز میں آگے بڑھ رہے ہیں۔دونوں اطراف نے مشترکہ بارڈر مینجمنٹ اور انسداد دہشت گردی کے اقدامات سمیت باہمی دلچسپی کے مختلف شعبوں میں پیشرفت پر اطمینان کا اظہار کیا اور مستقبل میں مشترکہ مفاد کے شعبوں میں تعاون کو بڑھانے کا عزم کیا ہے۔
- Advertisement -
Short Link: https://urdu.app.com.pk/urdu/?p=548904
- Advertisement -
