وزیر مملکت برائے خارجہ امور حنا ربانی کھر آج سے ناروے، سویڈن، ڈنمارک اور بیلجم کا سرکاری دورہ کریں گی

اسلام آباد۔5جون (اے پی پی):وزیر مملکت برائے خارجہ امور حنا ربانی کھر آج 5 جون سے 13 جون تک ناروے، سویڈن، ڈنمارک اور بیلجم کا سرکاری دورے کریں گی۔دفتر خارجہ کے مطابق وزیر مملکت برائے خارجہ امور ان ملکوں کے دورے کے دوران ترقی، تجارت اور موسمیاتی تبدیلی کے چیلنجز اور مسئلہ کے بارے میں تعاون پر تبادلہ خیال کے لیے وزارتی سطح پر اجلاسوں میں شرکت کے علاوہ قانون سازوں اور مقامی تاجروں سے بھی ملاقات کریں گی۔

حنا ربانی کھر بیلجم میں یورپی پارلیمنٹ کے اراکین اور یورپی کمیشن کے سینئر حکام سے ملاقاتیں کریں گی۔ سویڈن میں، وزیر مملکت یورپی کونسل برائے خارجہ تعلقات کے سالانہ اجلاس میں کلیدی مقرر کے طور پر شرکت کریں گے۔ وہ علاقائی اور عالمی اہمیت کے مسائل پر پاکستان کا نقطہ نظر پیش کریں گی اور خارجہ پالیسی کی ترجیحات اور چیلنجز پر بحث کے لیے یورپ کے سرکردہ فیصلہ سازوں، ماہرین، تھنک ٹینکس اور اثرورسوخ رکھنے والی شخصیات کے ساتھ بات چیت کریں گی۔

Short Link: https://urdu.app.com.pk/urdu/?p=366858