اسلام آباد ۔ 5 اپریل (اے پی پی) وزیر مملکت برائے داخلہ شہریارخان آفریدی نے لاہور میں بزرگ خاتون پر مبینہ قبضہ مافیا کی جانب سے تشدد کا نوٹس لیتے ہوئے آئی جی پنجاب پولیس کو واقعے کی فوری رپورٹ پیش کرنے اور ملزمان کے خلاف کارروائی کی ہداہت کی ہے۔ جمعہ کو وزارت داخلہ کی طرف سے جاری بیان کے مطابق شہر یار آفریدی نے کہا کہ نئے پاکستان میں ریاست خواتین کی حرمت، چادر اور چار دیواری کا تحفظ یقینی بنائے گی۔ انہوں نے کہاکہ کمزور اور غریب طبقات کے حقوق کا تحفظ ریاست کی ترجیحات میں ہے۔
