اسلام آباد۔4مئی (اے پی پی):وزیر مملکت برائے قانون و انصاف بیرسٹر عقیل ملک نے پہلگام حملے کے بعد بھارت کے ساتھ بڑھتی ہوئی کشیدگی کے تناظر میں قومی اتحاد پر زور دیا ہے۔اتوار کو نجی ٹی وی سے گفتگو کرتے ہوئے انہوں نے اس بات پر زور دیا کہ بیرونی خطرات کا موثر جواب دینے کے لیے پوری قوم کو ایک ساتھ کھڑا ہونا چاہیے۔
انہوں نے پاکستان تحریک انصاف پر تنقید کی کہ وہ حالیہ قومی سلامتی بریفنگ میں شرکت سے انکار کرکے معاملے کو سیاسی رنگ دے رہی ہے۔
انہوں نے کہا کہ پارٹی نے تاریخی طور پر خود کو اہم معاملات پر قومی اتفاق رائے سے دور رکھا ہے۔انہوں نے موجودہ قومی سلامتی کی صورتحال پر تبادلہ خیال کرنے کے لیے تمام سیاسی جماعتوں کے لیے ایک جامع بریفنگ کا اہتمام کرکے اتحاد کی حکومت کی کوششوں کو اجاگر کیا۔
انہوں نے خبردار کیا کہ سیاسی پوائنٹ سکورنگ کے لیے قومی سلامتی کو نظر انداز کرنا سنگین نتائج کا باعث بن سکتا ہے ۔ بیرسٹر عقیل نے پاکستان کی خودمختاری اور استحکام کے تحفظ کے لیے متحدہ محاذ کی ضرورت کا اعادہ کیا۔
Short Link: https://urdu.app.com.pk/urdu/?p=592463
