ٹوبہ ٹیک سنگھ۔ 21 مارچ (اے پی پی):وزیر ہاؤسنگ اینڈ اربن ڈویلپمنٹ پنجاب بلال یاسین نے جنگلات کے عالمی دن کے موقع پر کمالیہ میں شجرکاری مہم کا افتتاح کیا۔ انہوں نے چک نمبر 728 گ ب بھسسی روڈ پر پودا لگا کر مہم کا باضابطہ آغاز کیا۔ اس موقع پر سابق ایم این اے چوہدری اسد الرحمن، پاکستان مسلم لیگ (ن) کے رہنما سردار رحیل انور گجر، اسسٹنٹ کمشنر کمالیہ اقراء ناصر اور محکمہ جنگلات کے افسران بھی موجود تھے۔
وزیر ہاو¿سنگ نے کہا کہ کمالیہ جنگل میں 18 ایکڑ رقبے پر 13,000 پودے لگائے جا رہے ہیں اور پلانٹ فار پاکستان مہم کے تحت صوبے بھر میں ڈیڑھ کروڑ پودوں کی جیو ٹیگنگ کی جا رہی ہے تاکہ ہر درخت کا مکمل ریکارڈ محفوظ رہے۔ انہوں نے شجرکاری کی اہمیت پر زور دیتے ہوئے کہا کہ درخت لگانا صدقہ جاریہ ہے، جس کا ثواب ہمیشہ ملتا رہے گا اور موسمیاتی تبدیلیوں کے اثرات سے بچنے کے لیے شجرکاری ناگزیر ہے۔
Short Link: https://urdu.app.com.pk/urdu/?p=575137
