وفاقی دارالحکومت اسلام آباد میں یوم آزادی شایان شان طریقے سے منانے کیلئے تیاریاں عروج پر

اسلام آباد ۔ 4 اگست (اے پی پی) وفاقی دارالحکومت اسلام آباد میں یوم آزادی شایان شان طریقہ سے منانے کیلئے تیاریاں عروج پر ہیں۔ شہر کی بڑی مارکیٹوں سمیت چوکوں پر قومی پرچموں کے سٹال لگائے گئے ہیں ۔قومی پرچموں، جھنڈیوں، بیجز اور دیگر مواد کی تیاری کیلئے چھاپہ خانوں اور کارخانوں میں ایڈوانس بکنگ پر کام ہونے لگا، نوجوانوں نے گاڑیوں اور موٹر سائیکلوں پر سبز ہلالی پرچم کی پینٹنگ کرانا شروع کر دی ہیں جبکہ پینٹر حضرات نے اس حوالے سے خصوصی رعایتی بینرز آویزاں کئے ہیں تاکہ زیادہ سے زیادہ لوگ یوم آزادی کی تیاریوں میں حصہ لینے کے لئے اپنی گاڑیوں کو قومی پرچموں سے سجا کر تقریبات کو جوش و جذبہ سے منائیں۔

Short Link: https://urdu.app.com.pk/urdu/?p=65625