اسلام آباد ۔ 9 اگست (اے پی پی) وفاقی دارالحکومت اسلام آباد میں یوم آزادی شایان شان طریقہ سے منانے کیلئے تیاریاں زور و شور سے شروع جاری ہیں۔ قومی پرچم بیچنے والوں نے شہر کی بڑی مارکیٹوں سمیت چوکوں پر سٹال لگا دیئے ہیں ۔قومی پرچموں، جھنڈیوں، بیجز اور دیگر مواد کی تیاری کیلئے چھاپہ خانوں اور کارخانوں میں ایڈوانس بکنگ پر کام ہونے لگا، نوجوانوں نے گاڑیوں اور موٹر سائیکلوں پر سبز ہلالی پرچم کی پینٹنگ کرانا شروع کر دی ہیں جبکہ پینٹر حضرات نے اس حوالے سے خصوصی رعایتی بینرز آویزاں کئے ہیں تاکہ زیادہ سے زیادہ لوگ یوم آزادی کی تیاریوں میں حصہ لینے کے لئے اپنی گاڑیوں کو قومی پرچموں سے سجا کر تقریبات کو جوش و جذبہ سے منائیں۔ دوسری جانب بازاروں میں جگہ جگہ قومی پرچموں والی جھنڈیوں، بیجز، ٹوپیوں کی فروخت کیلئے سٹال سج گئے ہیں اور چھاپہ خانوں میں دن رات کام ہو رہا ہے
Short Link: https://urdu.app.com.pk/urdu/?p=66389
