وفاقی وزارت تعلیم نوجوانوں کے لیے جلد "امپاورنگ وائسز، شیپنگ فیوچرز” مہم کا آغاز کرے گی

اسلام آباد۔23جون (اے پی پی):وفاقی وزارت تعلیم پاکستانی نوجوانوں میں عام بول چال کی مہارت کو فروغ دینے کے لیے "امپاورنگ وائسز، شیپنگ فیوچرز” مہم کا آغاز کرے گی۔ وزارت تعلیم کی جانب سے جاری اعلامیہ کے مطابق آکسفورڈ ڈیبیٹنگ یونین کے صدر اسرار خان کی قیادت میں اس مہم کا مقصد ذاتی اور پیشہ ورانہ ترقی کے لیے ضروری عوام میں بولنے کی مہارت کے ساتھ نوجوانوں کو بااختیار بنانا

اعتماد، تنقیدی سوچ اور موثر مواصلت میں اضافہ ہے۔ اس حوالہ سے ایک قومی ایونٹ کے دوران سوشل میڈیا مہم، عوامی تقریری ورکشاپس، مباحثے اور علاقائی مقابلوں کا انعقاد کیا جائے گا۔ مہم کا مقصد پاکستان کے نوجوانوں کی صلاحیتوں سے پردہ اٹھانا اور ملک کے روشن مستقبل کی تشکیل ہے۔

Short Link: https://urdu.app.com.pk/urdu/?p=478271