اسلام آباد۔30نومبر (اے پی پی):وفاقی وزیر داخلہ رانا ثناءاللہ خان نے بلیلی چیک پوسٹ بلوچستان دھماکے کی شدید مذمت کرتے ہوئے کہا ہے کہ دھماکا بظاہرخودکش لگتا ہے۔ بلوچستان حکومت سے وقوعہ کی تفصیلی رپورٹ طلب کی ہے۔
بدھ کواپنے بیان میں وفاقی وزیر رانا ثناءاللہ خان نے کہا کہ دھماکے سے پولیس اہلکاروں اور بچے کی شہادت پر دکھ اور افسوس ہے، زخمی پولیس اہلکاروں کی جلد صحتیابی کیلئے دعاگو ہیں۔
انہوں نے کہا کہ دہشت گردی کا ٹارگٹ پولیس پارٹی تھی، پولیس شہداء کوخراج عقیدت پیش کرتا ہوں، قوم کو ان کی قربانیوں پر فخر ہے۔
