وفاقی وزیر اطلاعات عطاءاللہ تارڑ کا معروف اداکار مظہر علی کے انتقال پر اظہار افسوس

اسلام آباد۔8اکتوبر (اے پی پی):وفاقی وزیر اطلاعات، نشریات، قومی ورثہ و ثقافت عطاءاللہ تارڑ نے معروف اداکار مظہر علی کے انتقال پر گہرے دکھ اور افسوس کا اظہار کیا ہے۔ منگل کو اپنے تعزیتی بیان میں انہوں نے مرحوم کے اہل خانہ سے تعزیت اور ہمدردی کا اظہار کرتے ہوئے کہا کہ اداکار مظہر علی کے انتقال کی خبر سن کر دلی افسوس ہوا۔

انہوں نے کہا کہ آج ہم ایک عظیم فنکار اور ایک محترم انسان کو کھو بیٹھے ہیں۔ مظہر علی نے اپنی فنی صلاحیتوں سے ہمیں مسحور کیا اور اپنی اداکاری سے ہمارے دلوں میں گھر کرلیا۔ انہوں نے کہا کہ مظہر علی کے انتقال سے پاکستانی ڈرامہ انڈسٹری کو ناقابل تلافی نقصان ہوا ہے۔ وفاقی وزیر اطلاعات نے دعا کی کہ اللہ تعالیٰ مرحوم کی مغفرت فرمائے اور لواحقین کو صبر جمیل عطا فرمائے، آمین