اسلام آباد ۔ 9 جنوری (اے پی پی) وفاقی وزیر اطلاعات و نشریات چوہدر ی فواد حسین نے کہا ہے کہ گیس بحران کے حوالے سے انکوائری رپورٹ کو مد نظر رکھتے ہوئے وزیراعظم عمران خان نے سوئی سدرن اور سوئی ناردرن گیس لمیٹڈ کمپنیوں کے سربراہان کو ہٹانے کا اعلان کیا ہے ۔بدھ کو اپنے ٹویٹ میں وفاقی وزیر چوہدری فواد حسین نے کہا کہ حالیہ دنوں میں عوام کو گیس کے شدید بحران کا سامنا رہا، وزیر اعظم نے گیس کے بحران کی ذمہ داری کے تعین کیلئے کمیٹی تشکیل دی تھی، انکوئری کمیٹی کی رپورٹ کل وزیر اعظم کو پیش کی گئی،اس رپورٹ کے مد نظر وزیر اعظم نے سوئی سدرن اور سوئی ناردرن کے سربراھان کو عہدوں سے فوری ہٹانے کا اعلان کیا ہے۔
