اسلام آباد۔23اپریل (اے پی پی):وفاقی وزیر امور کشمیر وگلگت بلتستان انجینئرامیر مقام کی زیر صدارت گلگت بلتستان کونسل سیکرٹریٹ اسلام آباد کی تعمیر کے حوالے سے اجلاس بدھ کو یہاں منعقد ہوا۔یہاں جاری بیان کے مطابق اجلاس میں وزیر اعظم کے کوآرڈینیٹر امور کشمیر، گلگت بلتستان و سیفران شبیر احمد عثمانی، سیکرٹری امور کشمیر، گلگت بلتستان و سیفران، ظفر حسن، ایڈیشنل سیکرٹری کامران رحمٰن خان، جوائنٹ سیکرٹری گلگت بلتستان کونسل صدیر خان خٹک اور ان کی ٹیم نے شرکت کی۔
اجلاس کے دوران حکام نے منصوبے کے کلیدی خاکے پر وفاقی وزیر کو تفصیلی بریفنگ دی۔اس کے علاوہ نیسپاک ٹیم نے منصوبے کے ڈیزائن پر پریذنٹیشن دی ،جس نے سیکرٹریٹ آفس بلڈنگ کی تعمیر اور آرکیٹیکچرل منصوبہ بندی کے حوالے سے جاری بات چیت میں حصہ ڈالا۔اس موقع پر وفاقی وزیر انجینئر امیر مقام نے حکام کو ہدایت دی کہ وہ زمینی سطح پر کام کے آغاز کے لیے عملدرآمد کو تیز کریں۔اس موقع پر وفاقی وزیر انجینئر امیر مقام نے متعلقہ حکام کو ہدایت کی کہ وہ زمینی سطح پر منصوبے کے فوری آغاز کو یقینی بنانے کے لیے عملدرآمد کو تیز کریں۔
Short Link: https://urdu.app.com.pk/urdu/?p=586643
