گلگت۔27اگست (اے پی پی):وفاقی وزیر امور کشمیر، گلگت بلتستان و سیفران انجینئر امیر مقام نے سابق وزیراعلیٰ گلگت بلتستان حافظ حفیظ الرحمان کی رہائش گاہ پر جا کر ان کے بھتیجے، دانیال سیف کے انتقال پر تعزیت کی۔وفاقی وزیر نے نوجوان بھتیجے کی ناگہانی موت پر گہرے رنج و غم کا اظہار کیا اور مرحوم کے اہل خانہ اور مرحوم کے بڑے بھائی عادل سیف سے دلی ہمدردی کا اظہار کیا۔ انہوں نے مرحوم کی مغفرت اور بلند درجات کے لیے دعا کی اور اہل خانہ کو اس غم کی گھڑی میں صبر و استقامت عطا ہونے کی دعا کی۔
اس موقع پر وفاقی وزیر نے کہا کہ کسی نوجوان عزیز کی موت ایک ناقابل برداشت سانحہ ہے، میری دعائیں اور نیک تمنائیں حافظ حفیظ الرحمان اور ان کے اہل خانہ کے ساتھ ہیں، اللہ تعالیٰ مرحوم کو جنت الفردوس میں اعلیٰ مقام عطا فرمائے اور اہل خانہ کو یہ ناقابل تلافی صدمہ برداشت کرنے کی ہمت دے۔اس موقع پر مسلم لیگ (ن) کے رہنما ثابت خان نائب صدر پاکستان مسلم لیگ گلگت بلتستان ، شفیق الدین نائب صدر، محمد اشفاق ڈپٹی سیکریٹری اطلاعات، کمال حسین جنرل سیکریٹری یوتھ ونگ، رضوان احمد راٹھور صوبائی صدر ایم ایس ایف جی بی و نمایاں شخصیات بھی موجود تھیں۔
