وفاقی وزیر انجینئر امیر مقام کا گلگت سانحے میں قیمتی انسانی جانوں کے نقصان پر افسوس کا اظہار

اسلام آباد۔11اگست (اے پی پی):وفاقی وزیر و صدر پاکستان مسلم لیگ (ن) خیبرپختونخوا انجینئر امیر مقام نے گلگت دینور منو گاہ سانحے میں قیمتی انسانی جانوں کے نقصان پر گہرے دکھ اور افسوس کا اظہارکیاہے۔ یہاں جاری بیان کے مطابق وفاقی وزیر نے جاں بحق ہونے والوں کے لواحقین سے ہمدردی کا اظہار کرتے ہوئے کہا کہ دکھ کی اس گھڑی میں غمزدہ خاندانوں کے ساتھ ہیں،

جان قربان کرنے والے رضاکاروں کو خراجِ تحسین پیش کرتے ہیں، قیمتی جانوں کے ضیاع پر پوری قوم سوگوار ہے۔انہوں نے کہا کہ زخمی رضاکاروں کی جلد صحتیابی کے لیے دعاکی۔زخمیوں کے علاج کے لیے تمام تر سہولیات کو یقینی بنایا جائے۔