اسلام آباد۔5ستمبر (اے پی پی):وفاقی وزیر ریاستیں اور سرحدی علاقہ جات (سیفران) انجینئر امیر مقام نے کہا ہے کہ حکومت پاکستان اپنی سماجی اقتصادی پالیسیوں اور پروگراموں کی حمایت میں بین الاقوامی غیر سرکاری تنظیموں کے کردار اور شراکت کو خصوصی اہمیت دیتی ہے۔ انہوں نے یہ بات جمعرات کو یہاں افغان مہاجرین کے مسائل پر پاکستان میں کام کرنے والی بین الاقوامی غیر سرکاری تنظیموں سے منعقدہ اجلاس کے دوران ملاقات میں کہی۔
اجلاس کی صدارت کرتے ہوئے وفاقی وزیر انجینئر امیر مقام نے کہا کہ حکومت پاکستان اپنی سماجی اقتصادی پالیسیوں اور پروگراموں کی حمایت میں بین الاقوامی غیر سرکاری تنظیموں کے کردار اور شراکت کو اہمیت دیتی ہے۔ انہوں نے کہا کہ آج کے اجلاس کا مقصد وزارت اور بین الاقوامی غیر سرکاری تنظیموں کے درمیان ورکنگ کوآرڈینیشن کو مضبوط بنانا تھا۔
اجلاس میں سیکرٹری سٹیٹس اینڈ فرنٹیئر ریجنز ظفر حسن، جوائنٹ سیکریٹری سیفران آغا وسیم احمد، چیف کمشنر برائے افغان مہاجرین عباس خان اور کمشنر برائے افغان مہاجرین خیبر پختونخوا شکیل محمد خان صافی نے شرکت کی۔ انہوں نے پراجیکٹس پر بہتر تال میل اور عمل درآمد پر زور دیتے ہوئے کہا کہ "ہماری ترجیح زیادہ سے زیادہ لوگوں کو مدد فراہم کرنا ہونی چاہیے۔
” انہوں نے کہا کہ وزارت بھی ہر ممکن مدد فراہم کرے گی، بین الاقوامی غیر سرکاری تنظیمیں دور حاضر کے تقاضوں کو مدنظر رکھیں اور منصوبوں پر عملدرآمد پر توجہ دیں۔ وفاقی وزیر نے کہا کہ زیادہ سے زیادہ ضرورت مندوں کی مدد کی جائے،بین الاقوامی غیر سرکاری تنظیموں کو اس وقت درپیش مسائل کی نشاندہی کرنی چاہیے اور اس کے مطابق فنڈز کا استعمال کرنا چاہیے۔
اجلاس میں سیکرٹری ریاستیں و سرحدی علاقہ جات (سیفران) ظفر حسن، جوائنٹ سیکریٹری سیفران آغا وسیم احمد، چیف کمشنر برائے افغان مہاجرین عباس خان اور کمشنر برائے افغان مہاجرین خیبر پختونخوا شکیل محمد خان صافی نے شرکت کی۔
اس موقع پر بین الاقوامی غیر سرکاری تنظیموں کے نمائندوں نے وفاقی وزیر کو اپنے اپنے کام کے شعبوں کے بارے میں بریف کیا جس میں افغان مہاجرین کے لیے معاش میں بہتری اور پیشہ ورانہ مہارتوں کی تربیت کے منصوبے اور آمدنی پیدا کرنے کی سرگرمیوں کے لیے سپورٹ، جی بی وی، واش، سائیکو سوشل سپورٹ، تعلیم اور پناہ گزینوں کی صحت شامل ہیں۔
