اسلام آباد۔16اکتوبر (اے پی پی):وفاقی وزیر بحری امور سید علی حیدرزیدی سے پاکستان میں قائم مقام امریکی سفیر انجیلا ایگلر نے ملاقات کی ہے ۔ ہفتہ کے روز یہ ملاقات علی زیدی کی رہائش گاہ پر ہوئی جس میں پاکستان اور امریکہ کے درمیان میری ٹائم شعبہ میں تعاون پر بات چیت کی گئی ۔
اس دوران پاکستانی پورٹس کے حوالے سے امریکی سیکرٹری برائے ٹرانسپورٹ کی ویڈیو کال کے حوالے سے بھی معاملات زیر بحث آئے ۔
علی زیدی نے قائم مقام امریکی سفیر سے انٹرنیشنل میری ٹائم آرگنائزیشن انتخابات میں پاکستانی امیدوار کے لیے امریکی حمایت مانگی ۔ ملاقات کے دوران پاکستان میں امریکی سفارتخانے کے نیول اتاشی کیپٹن داریو کیبرس اور کراچی پورٹ ٹرسٹ کے چیئرمین نادر وڑائچ بھی موجود تھے ۔
