اسلام آباد ۔ 15 اپریل (اے پی پی) وفاقی وزیر برائے انسانی حقوق ڈاکٹر شیریں مزاری سے پاکستان میں متعین تیونس کے سفیر ایڈل الاربی نے پیر کے روز اسلام آباد میں ملاقات کی۔ ملاقات میں انسانی حقوق کے تحفظ اور فروغ سمیت مختلف امور پر تبادلہ خیال کیا گیا۔ انسانی حقوق کی وزیر ڈاکٹر شیریں مزاری نے سفیر کو موجودہ حکومت کی جانب سے ملک میں انسانی حقوق کے تحفظ اور فروغ کیلئے کئے گئے اقدامات سے آگاہ کیا۔
