وفاقی وزیر برائے بجلی انجینئر خرم دستگیر خان کی ان کے ایرانی ہم منصب علی اکبری محرابیان سے ملاقات

تہران۔20جون (اے پی پی):پاکستان ایران توانائی کے شعبے میں تعاون کو فروغ دیں گے۔

وفاقی وزیر برائے بجلی انجینئر خرم دستگیر خان نے پیر کو تہران میں ایران کے وزیر توانائی علی اکبری محرابیان سے ون آن ون ملاقات کی۔ ملاقات کا مقصد دونوں پڑوسیوں کے درمیان توانائی کے شعبے میں تعاون کی راہیں بڑھانا تھا۔

دونوں اطراف نے پولن سے گوادر تک بجلی کی فراہمی کے مختلف پہلوؤں پر تبادلہ خیال کیا۔ وفاقی وزیر توانائی نے پاکستان اور ایران کے درمیان توانائی کے شعبے میں تعاون کو سراہتے ہوئے تعلقات کو مضبوط بنانے کے لیے پاکستان کے عزم کا اعادہ کیا۔ انہوں نے بجلی کی درآمد کے منصوبے کو تیز کرنے کی ضرورت پر زور دیا۔ طویل مدتی اور قلیل مدتی توانائی کے منصوبوں پر تبادلہ خیال کیا گیا۔

Short Link: https://urdu.app.com.pk/urdu/?p=313321