اسلام آباد ۔ 25 اکتوبر (اے پی پی)وفاقی وزیر برائے بجلی و پٹرولیم عمر ایوب خان نے وزیر خارجہ مخدوم شاہ محمود قریشی کی ہمشیرہ کے انتقال پر دکھ اور افسوس کا اظہار کیا ہے۔ جمعہ کو وزارت کی جانب سے جاری بیان کے مطابق عمر ایوب نے مرحومہ کے اہل خانہ کے ساتھ تعزیت کا اظہار کرتے ہوئے کہا کہ اللہ تعالیٰ مرحومہ کی مغفرت فرمائے۔ انہوں نے مرحومہ کے بلندی درجات اور لواحقین کے لئے صبر جمیل کی دعا بھی کی۔
