وفاقی وزیر برائے منصوبہ بندی، ترقی واصلاحات وخصوصی اقدامات اسدعمر کا ٹویٹ

اسلام آباد۔18جنوری (اے پی پی):وفاقی وزیر برائے منصوبہ بندی ترقی واصلاحات وخصوصی اقدامات اسدعمر نے پیر کو ٹویٹر اکاؤنٹ پر ایک صفحہ کی تصویر جاری کی ہے جس میں انہوں نے کہا کہ ‏یہ صفحہ حکومت پاکستان کا لکھا ہوا نہیں، نہ ہی یہ نیب کا لکھا ہے، یہ انگلینڈ کے جج کا لکھا ہوا ہے اور صاف الفاظ میں کہتا ہے کے شریف خاندان کی چھپائی ہوئی دولت جس میں لندن کے ایون فیلڈ فلیٹ شامل ہیں ان کو ڈھونڈنے کا معاوضہ 20.5 ملین ڈالر بنتا ہے جس کا حق دار براڈشیٹ ہے ۔انہوں نے کہا کہ‏100 ملین ڈالر یعنی 16 ارب روپے کی شریف خاندان کی چھپائی ہوئی دولت ڈھونڈنے پر یہ 20 ملین معاوضہ ملا کیونکہ معاہدے کے مطابق 80 فی صد پاکستان اور 20 فی صد براڈشیٹ کو حصہ ملنا تھا۔انہوں نے کہا کہ 100 ملین ڈالر پاکستان کے عوام سے لوٹا اور اوپر 20 ملین ڈالر کا ہرجانہ کیونکہ شریف حکومت نے اثاثے واپس نہیں لئے۔