اسلام آباد۔20جولائی (اے پی پی):وفاقی وزیر برائے وفاقی تعلیم و پیشہ وارانہ تربیت رانا تنویر حسین نے کہا ہے کہ پاکستان اور بلغاریہ کے درمیان ثقافتی، لسانی اور عوام کے درمیان ایک دوسرے سے محبت ہے۔ انہوں نے یہ بات پاکستان میں بلغاریہ کے سفیر ایرینا گنچیوا سے گفتگو کے دوران کیا جنہوں نے بدھ کو ان سے ملاقات کی۔
وفاقی وزیر تعلیم رانا تنویر حسین نے بلغاریہ کے وفد کا خیرمقدم کرتے ہوئے کہا کہ دونوں ممالک کے درمیان ثقافتی، لسانی اور عوام کے درمیان ایک دوسرے سے محبت ہے۔ انہوں نے ووکیشنل اور ٹیکنیکل ٹریننگ کے حوالے سے مہارت اور علم کے تبادلے پر تبادلہ خیال کیا۔ انہوں نے کہا کہ دونوں ممالک ایک دوسرے کے تجربات سے فائدہ اٹھا سکتے ہیں۔
وفاقی وزیر نے اساتذہ اور طلباءکے باہمی تعاون بالخصوص ہنر مندی کی پیشہ ورانہ تربیت کے لئے تبادلے کا خیرمقدم کیا۔ انہوں نے کہا کہ دونوں ممالک کے درمیان تعاون کے نمایاں امکانات موجود ہیں۔ وفاقی وزیر نے کہا کہ پاکستان باہمی تعاون میں اضافہ کے لئے بلغارین طلباءکو سکالرشپ دینے کے لیے تیار ہے۔
بلغاریہ کے سفیر ایرینا گنچیوا نے کہا کہ یونیورسٹی سے یونیورسٹی تعاون اور ٹیکنیکل انسٹی ٹیوشن ٹو ٹیکنیکل انسٹی ٹیوشن تعاون آگے بڑھانے کا راستہ ہے۔ انہوں نے کہا کہ پاکستان اور بلغاریہ یونیورسٹیوں کے درمیان مفاہمت کی یادداشتوں کو تیز کیا جائے تاکہ تبادلوں کو فروغ دیا جا سکے۔
وفاقی وزیررانا تنویر حسین نے کہا کہ پاکستان کامستقبل آبادی کی ووکیشنل ٹریننگ میں ہے۔ انہوں نے کہا کہ یہ لوگوں کو ملازمتیں تلاش کرنے کا بہترین موقع فراہم کرتا ہے۔ انہوں نے کہاکہ این اے وی ٹی ٹی سی کے ذریعے پاکستان اور ایران کو اساتذہ اور طلباءکا تبادلہ کرنا چاہئے تاکہ وہ ایک دوسرے کی مہارت سے سیکھیں۔رانا تنویر نے پاکستان کے تعلیمی نظام کو جدید بنانے میں موجودہ حکومتوں کی کوششوں کی تعریف کی۔
وفاقی وزیر نے سفیر کا شکریہ ادا کیا اور دونوں ممالک کے درمیان 1965 سے اب تک کے خوشگوار اور دوستانہ تعلقات پر روشنی ڈالی۔ انہوں نے کہا کہ دونوں ممالک کو اپنے باہمی تعلقات کو بہترسے بہتر بنانا چاہئے۔
Short Link: https://urdu.app.com.pk/urdu/?p=318257
