وفاقی وزیر بین الصوبائی رابطہ احسن اقبال کی قومی ہاکی ٹیم کے کھلاڑیوں کو کوریا کے خلاف کامیابی حاصل کرنے پر مبارکباد

اسلام آباد۔5مئی (اے پی پی):وفاقی وزیر بین الصوبائی رابطہ احسن اقبال نے قومی ہاکی ٹیم کے کھلاڑیوں کو کوریا کے خلاف کامیابی حاصل کرنے پر مبارکباد دی ہے۔اتوار کو اپنے بیان میں انہوںنے کہا کہ قومی ٹیم نے ملائیشیا میں جاری اذلان شاہ ہاکی ٹورنامنٹ میں اپنے دوسرے میچ میں کوریا کے خلاف 4-0 سے کامیابی حاصل کی ہے۔

وفاقی وزیر بین الصوبائی رابطہ احسن اقبال نے امید ظاہر کی کہ قومی ٹیم آئندہ میچوں میں بھی شاندار کارکردگی کا مظاہرہ کریں گے۔ درین اثنا وفاقی سیکرٹری وزارت بین الصوبائی رابطہ ندیم ارشاد کیانی اور ڈائریکٹر جنرل پاکستان سپورٹس بورڈ ظہور احمد نے بھی قومی ہاکی ٹیم کے کھلاڑیوں کو کامیابی کی مبارکباد دی ہے۔ یاد رہے کہ پاکستان نے اپنے پہلے میچ میں ملائیشیا کو 4-5 گول سے شکست دی تھی۔