اسلام آباد ۔ 25 جنوری (اے پی پی) وفاقی وزیر بین الصوبائی رابطہ ڈاکٹر فہمیدہ مرزا نے کہا کہ ہاکی کی بدحالی کا ذمہ دار کون ہے؟ہاکی لسٹ میں 20 ویں نمبر سے بھی نیچے ہیں فیڈریشن جواب دے، ان خیالات کا اظہار انہوں نے گذشتہ روز میڈیا سے گفتگو کرتے ہوئے کیا انہوں نے کہاکہ سیکرٹری ہاکی فیڈریشن نے ہاکی کی بری پرفارمنس خود تسلیم کی۔کیا وجوہات ہیں کہ صوبوں نے ہاکی پر توجہ نہیں دی، تمام فیڈریشن اپنی کارکردگی بتائیں۔اتنی سرمایہ کاری کے بعد بھی کوئی رزلٹ نہیں آرہا اور وزیراعظم کی پالیسی ہے کہ دیئے گئے پیسوں کا حساب لیا جائے۔ انہوں نے کہا کہ سپورٹس منسٹری ڈیوال ہوگئی ہے میڈیا کی نشاہدہی پر سپورٹس بورڈ کے کئی معاملات کا پتہ چلا جن سے نا واقف تھی ، انہوں نے کہا کہ پاکستان سپورٹس بورڈ نے گزشتہ 5 سال میں 50 کروڑ کی گرانٹ کہاں خرچ کی؟گزشتہ 5سالوں میں پی ایس بی کی کیا کارکردگی ہے، انہوں نے کہاکہ کارکردگی پر احتساب ہوگا اورسب کو جواب دینا ہوگا، انہوں نے کہا کہ ہاکی کی بدحالی کا زمہ دار کون ہے؟ ہاکی لسٹ میں 20 نمبر سے بھی نیچے ہیں فیڈریشن جواب دے۔
