اسلام آباد۔27جون (اے پی پی):وفاقی وزیر خزانہ اور محصولات سینیٹر محمد اسحاق ڈار کی زیر صدارت منگل کو قومی اقتصادی کونسل کی ایگزیکٹو کمیٹی (ایکنک) کا اجلاس منعقد ہوا۔ وفاقی وزیر برائے منصوبہ بندی، ترقی و خصوصی اقدامات احسن اقبال، وفاقی وزیر تجارت سید نوید قمر، وزیراعظم کے معاون خصوصی برائے خزانہ طارق باجوہ، وزیراعظم کے معاون خصوصی برائے ریونیو طارق محمود پاشا، سینیٹر نثار کھوڑو، وفاقی سیکرٹریز اور وفاقی وزارتوں اور صوبائی محکموں کے سینئر افسران نے شرکت کی۔
ایکنک نے آبی وسائل کی وزارت کے ایک پراجیکٹ پر غور کیا اور اس کی منظوری دی ، "فلڈ پروٹیکشن سیکٹر پروجیکٹ-III (FPSP-II) جس کے لئے پی سی وی ون 194,625.00 ملین روپے کے ایف ای سی سمیت 10,862.94 ملین روپے ہے، اس منصوبے کو چاروں صوبوں اور جی بی اور آزاد جموں و کشمیر میں بھی نافذ کیا گیاہے۔ اس منصوبے کی مالی اعانت وفاقی حکومت، صوبائی حکومت اور ڈونر فنانسنگ کے ذریعے کی جائے گی۔ ایکنک نے وزارت آبی وسائل کے ایک اور منصوبے پر بھی غور کیا اور اس کی منظوری دی جس پر محکمہ آبپاشی حکومت کے ذریعے عمل کیا جائے گا۔
وزارت آبی وسائل کے ایک اور منصوبہ "کچھی کینال پروجیکٹ بحالی آف فلڈ ڈیمیجز 2022” پر بھی غور کیا گیا ،ایکنک نے اس کی منظوری دیدی ، واٹر اینڈ پاور ڈویلپمنٹ اتھارٹی (واپڈا) کے ذریعے پنجاب کے اضلاع ڈیرہ غازی خان، مظفر گڑھ اور راجن پور میں 8280.647 ملین روپے دئیے جائیں گے۔ اس منصوبے کا تعلق پانی کی کمی اور سیلاب سے بنیادی ڈھانچے کے تحفظ سے ہے۔ ایکنک نے خیبر پختونخوا حکومت کے "نیو بالاکوٹ سٹی ڈویلپمنٹ پروجیکٹ” کے نام سے ایک منصوبے پر بھی غور کیا اور اس پر تبادلہ خیال کیا اور متعلقہ اسٹیک ہولڈرز یعنی کے پی حکومت، وزارت منصوبہ بندی و ترقی اور ایرا کو ہدایت کی کہ وہ اس منصوبے میں تکنیکی اور مالیاتی تضادات کا از سر نو جائزہ لیں اور انہیں دور کریں۔
ایکنک نے ملک کے 36 اضلاع میں عملدرآمد کرنے کے لئے نیشنل ملٹی سیکٹرل نیوٹریشن پروگرام کے عنوان سے منصوبے پر غور کیا اور اس کی منظوری دی۔ اس منصوبے کی مالی اعانت وفاقی حکومت اور غیر ملکی امداد کے ذریعے آئی ایس ڈی بی کنٹری انگیجمنٹ فریم ورک برائے پاکستان 2023-25 کے تحت کی جائے گی۔ اس منصوبے کا مجموعی ہدف اگلے تین سالوں میں پاکستانی بچوں میں غذائی قلت کی وجہ سے ہونے والے اسٹنٹنگ کو نمایاں طور پر کم کرنا ہے۔ایکنک نے "36 کلومیٹر سندھ کوسٹل ہائی وے کی توسیع/تعمیر” کے عنوان سے منصوبے پر غور کیا اور اس کی منظوری دی۔ 16,204.303 ملین روپے کی منظوری دیدی۔ اس پراجیکٹ کو حکومت سندھ نے عملی جامہ پہنانا ہے۔
اس منصوبے کی فنڈنگ وفاقی پی ایس ڈی پی کے ذریعے کی جائے گی۔ایکنک نے وزارت مواصلات کے منصوبے ’’ لاہور سیالکوٹ موٹروے (LSM) لنک ہائی وے (04-لین) جو LSM کو نارنگ منڈی اور نارووال سے جوڑتا ہے ، پر بھی غور کیا اور اس کی منظوری دی۔ نیشنل ہائی وے اتھارٹی (این ایچ اے) کی جانب سے صوبہ پنجاب کے اضلاع نارووال اور شیخوپورہ میں اس منصوبے پر عملدرآمد کیا جانا ہے۔ سانگھڑ سے نیشنل ہائی وے (این۔5) پوائنٹ روہڑی براستہ منڈھ جمراؤ اور صالح پوت (221 کلومیٹر) تک سڑک کی بہتری کے عنوان سے حکومت سندھ کے ایک منصوبے پر غور کیا گیا اور اسے منظور کیا گیا جس کی لاگت 12,521.799ملین روپے ہے۔
