وفاقی وزیر خزانہ سینیٹر اسحاق ڈار سے اٹلی کے نائب وزیر برائے بین الاقوامی تعاون بینڈیٹو ڈیلا ویدووا کی ملاقات

اسلام آباد ۔ 29 مارچ (اے پی پی) وفاقی وزیر خزانہ سینیٹر اسحاق ڈار سے اٹلی کے نائب وزیر برائے بین الاقوامی تعاون بینڈیٹو ڈیلا ویدووا نے ملاقات کی اور دوطرفہ تعاون کے مختلف شعبوں پر تبادلہ خیال کیا۔ وزیر خزانہ نے اطالوی نائب وزیر کا خیرمقدم کرتے ہوئے دونوں ممالک کے درمیان دوستانہ تعلقات کو اجاگر کیا۔ انہوں نے کہا کہ پاکستان اٹلی کے ساتھ مختلف شعبوں بالخصوص اقتصادی تعاون، تجارت، آٹو سیکٹر اور سرمایہ کاری کے شعبہ میں تعلقات کو وسعت دینے کا عزم رکھتا ہے۔ اس موقع پر اطالوی نائب وزیر نے کہا کہ دونوں ممالک کے درمیان حال ہی میں اعلیٰ سطح پر روابط آگے بڑھے ہیں۔

Short Link: https://urdu.app.com.pk/urdu/?p=48351