اسلام آباد ۔ 7 دسمبر (اے پی پی) وفاقی وزیر خزانہ سینیٹر اسحاق ڈار نے فرانس کے ادارہ برائے ترقی اے ایف ڈی کی 75 ویں سالگرہ کی تقریب کے اختتامی سیشن میں شرکت کی۔ فرانس کے صدر فرانسوا اولاند نے پیرس میں منعقدہ تقریب کی میزبانی کی۔ اے ایف ڈی کی سالگرہ کی تقریب میں فرانس کے وزیر خارجہ جین مارک اےرالٹ، گنی کے صدر، ہیٹی کے وزیراعظم، سری لنکا کے وزیر خزانہ، اے ایف ڈی کے چیف ایگزیکٹو آفیسر، فرانسیسی ارکان پارلیمنٹ، سفارتکاروں اور سول سوسائٹی کے ارکان نے بڑی تعداد میں شرکت کی۔
