اسلام آباد۔8اپریل (اے پی پی):وفاقی وزیر داخلہ محسن نقوی سے نئے تعینات ڈی جی ایف آئی اے رفعت مختار راجہ اور نئے تعینات ڈائریکٹر جنرل نیشنل سائبر کرائم انویسٹی گیشن ایجنسی وقار الدین سید نے ملاقات کی ۔ ملاقات میں غیر قانونی امیگریشن کے خلاف موثر حکمت عملی تیار کرنے اور سائبر کرائمز کی روک تھام کا ٹاسک سونپا گیا ۔ وزیر مملکت داخلہ طلال چوہدری اور وفاقی سیکرٹری داخلہ محمد خرم آغا بھی اس موقع پر موجود تھے۔
وزیر داخلہ محسن نقوی نے ایف آئی اے کو حکم دیا کہ وہ انسانی سمگلنگ میں ملوث مافیا کے خلاف ملک بھر میں موثر کریک ڈاؤن کریں ۔ انسانی سمگلنگ روکنے کے لئے چاروں صوبوں میں بلا امتیاز کارروائی عمل میں لائی جائے۔اس مافیا سے آہنی ہاتھوں سے نمٹا جائے۔ان کا کہنا تھا کہ مکروہ دھندے میں ملوث لوگ معصوم لوگوں کی جانوں سے کھیل رہے ہیں۔
وزیر مملکت داخلہ طلال چوہدری کا کہنا تھا کہ انسانی سمگلرز کسی رعایت کے مستحق نہیں ۔وزیر داخلہ محسن نقوی نے کہا کہ ایف آئی اے سمیت تمام قانون نافذ کرنے والے اداروں کو ملک سے غیر قانونی سپیکٹرم اور منظم جرائم کے خاتمے کیلئے ملکر کام کرنا ہو گا۔ انہوں نے کہا کہ سائبر سیکیورٹی ایک نیا چیلنج ہے۔این سی سی آئی اے کی استعدادکار بڑھائی جائے گی اور افسروں کو تربیت کے لئے بیرون ملک بجھوایا جائے گا۔
Short Link: https://urdu.app.com.pk/urdu/?p=579389
